mga class pics namin!

I love III-Science!

wacky sa js!

wacky sa class pic! hehe

serious? formal eh. hehe

js prom namin!

Ang Aking Buhay-Buhay

        Ang Talambuhay ko!

ako nung 9 months old pa lang.
ang cute ko!

yeah! artistahin!

bakit kaya ako malungkot?      

 Ako ay ipinanganak noong ika-10 ng Abril taong 1996. Lumaki akong malusog at matalino dahil sa pag-aaruga ng aking mga magulang na sina Arlyn B. Belen at Roberto C. Belen. Sila ay nag-isang dibdib noong ika-16 ng Abril 1990. Ang una nilang anak na lalaki na aking panganay na kapatid ay si John Lynbert B. Belen. Siya ay pinayalawang “John-John.” Sumunod naman ang isa pang kapatid kong lalaki at panggitnang kapatid na si Jayvee Lloyd B. Belen. Siya ay pinayalawang “Jay-Jay.” Pagkaraan ng apat na taon, ako na ang sumunod sa kanilang dalawa. Ang pangalan ko ay Jhane Kimberly B. Belen. Ako naman ay pinalayawang “Kimeeh.” Apat sana kaming magkakapatid noon ngunit sa di-inaasahang pangyayari ay namatay ang aking kapatid na babae. Siya ay namatay noong ipinanganak siya. Nalaman ko ang tungkol sa nangyari noong ako ay nag-aaral ng elementarya dahil noong namatay siya ay baby pa rin ako noon. Lungkot na lungkot ako at umiyak ako dahil gustong-gusto ko ng kapatid na babae. Tinanong ko ang Diyos kung bakit niya kinuha ang kapatid kong babae noong ako ay bata pa. Ngunit aking naisip na dapat ko ng tanggapin kung ano ang nangyari tungkol sa pagkamatay niya. Dahil alam ko naman na may plano ang Diyos para sa aming pamilya. Ipinagdarasal ko na lamng siya tuwing ako ay matutulog upang malaman niyang mahal ko siya bilang kapatid. Alam ko rin na magkikita rin kami balang-araw at iyon ay sa kabilang buhay sa langit. “Life’s goes on,” ika nga nila, kaya talagang dapat kong ipagpatuloy ang buhay kahit na wala ang kapatid kong babae. Nang siya ay mamatay, ako na lang ang nag-isang anak na babae o “unica hija” ng aming mga magulang. Malungkot rin namang mag-isang anak na babae dahil wala kang instant kalaro, instant bestfriend at pwede na ring instant enemy. Naging tatlo na lang din kaming magkakapatid ngunit masaya din naman. Minsan ay nag-aaway kaming tatlo sa mga hindi pinagkakaunawang mga bagay. Ngunit lagi naman kaming nagkakabati dahil pinag-aayos kami ng aming mga magulang. Swerte din ako sa lahat ng bagay dahil “unica hija” ako. Mga bagay na aking hilingin, kailangan at gusto ay naibibigay sa akin ng aking mga magulang. Mahal na mahal nila ako pati na rin ang aking mga kapatid. Lahat ng aming kailangan ay naibigay nila sa abot ng kanilang makakaya.

ang aking ina na guro

          Aking ina na si Arlyn B. Belen ay kasalukuyang nagtuturo sa paaralang San Cristobal National High School (SPCNHS). Nagturo muna siya noon sa Lake City Christian School (LCCS) bago siya nanatili sa SPCNHS. Ang aking ina at ama ay nagpakasal noong nag-aaral pa lamang ang aking ina ng college. Pansamantala munang tumigil sa pag-aaral ang aming ina para maalagaan at masubaybayan ang paglaki naming makakapatid. Nang lumaki na kami ng konti ay nagpatuloy na rin siya ng pag-aaral dahil sayang naman ang kanyang pinag-aralan. Ginawa niya rin iyon upang may maitustos sa pag-aaral naming tatlo dahil hindi namn kaya ng aking ama na siya lamang ang nagbibiogay ng pera sa amin dahil kukulangin pa ang kinikita niya. Nagtapos siya ng Bachelor of Science sa paaralang Lungsod ng San Pablo (DLSP). Siya ay nagkamit ng karangalang Cum Laude dahil sa sipag niyang mag-aral tuwing siya ay may pagsusulit. Siya ang pinagmanahan ko ng aking katalinuhan kaya ninanais kong maging katulad din niya kapag ako ay nagtapos ng kolehiyo. Siya rin ay isang mapagmahal at mapag-arugang ina sa aming tatlong magkakapatid. Hindi siya natutulog sa gabi tuwing kami ay maysakit dahil sinisiguro niyang magiging maayos ang aming lagay kapag kami ay tumutulog. Kapag may kailangan kaming importante na kailangan na kinabukasan ay agad siyang pupunta sa bayan upang ibili kami kahit na alam niyang pagod na pagod siya. Sinisiguro niyang makakapagpasa kami sa tamang oras ng mga projects at assignments. Kahit na sobrang pagod na siya galing sa pagtuturo, ipinagluluto niya pa rin kaming lahat. Napakabuti niyang ina sa aming magkakapatid. Kahit na madalas akong nasagot at nagdadabog sa kanyang mga utos ay pinagsisisihan ko talaga iyon. Sa tuwing kaming tatlo ay may away, lagi niyang sinasabi na kung paano na daw kung wala na siya?. Eh di lagi nalang kaming magkakagalit? Kaya ginagawa ko ang lahat upang makaiwas ako sa away at mahalin na lang namin ang isa’t-isa bilang magkapatid. Siya rin ay mapagpasensya. Hanggat kaya niyang pigilan ang galit niya ay pinipigil talaga niya iyon. Ngunit kapag punong-puno na siya ng sama ng loob sa mga kasalanan namin ay doon na siya talagang galit na galit sa aming tatlo. Hindi ko naman siya masisisi dahil talagang makulit kami at ayaw sumunod sa kanyang mga bilin sa amin. Ang akin namang ama na si Roberto C. Belen ay nagtatrabaho bilang isang welder. Malapit lang ang kanyang pinagtatrabahuhan at sa katunayan ay malapit lang sa aming bahay. Iyon din ang dahilan kung bakit nagagawa pa niyang ihatid ako sa eskwelahan kahit may pasok siya. Inihahatid niya ako gamit ang kanyang bike kaya hindi nasakit ang paa ko sa paglalakad kung ako man ay papasok ng school. Sobrang pasensyoso siyang ama dahil minsan ay kapag may nagawa akong mali ay aayusin na lang niya. Ngunit nagagalit talaga siya kapag talagang sobrang mali na ang ginawa mo. Nagpapasalamat ako sa Diyos na binigyan Niya ako ng mga magulang na masipag, mabait at maalaga sa aming tatlo. Sila rin ang naglalaba ng aming mga damit. Sila rin ang nagluluto. Ang lagi nilang sinasabi kaya hindi nila kami hinahayaang maglaba ay sa kadahilanang ayaw nilang mahirapan kaming tatlo. Basta lagi na lang nilang paalala na mag-aral kaming mabuti at kahit anong hirap at pawis na nilalaan nila ay titiisin muna nila para sa aming pag-aaral. Talagang maipagmamalaki ang aking mga magulang. Nagtutulungan sila para may maitustos sa aming pag-aaral. Nakikita ko silang sweet sa isa’t-isa.

si kuya John-John

Si Kuya Jay-Jay

          Ang akin namang panganay na kapatid na si John Lynbert Belen ay kasalukuyang nag-aaral sa Dalubhasaan ng Lungsod ng San Pablo. Siya ay isang mabait na kapatid sa aming dalawa ni kuya Jay-Jay. Siya ang nagsasaing kapag wala pa ang sming mga magulang kapag nasa trabaho pa sila. Nagwawalis din siya ng bahay at naglilinis. Siya ay nag-asawa na at ang pangalan ng aking hipag ay Maria Antonette Dorado. Ang una at kaisa-isa nilang anak ay isang lalaki. Ang pangalan niya ay Lyann Josh D. Belen. Napakagwapo ng aking pamangkin at napakamasayahin din. Kahit na nag-asawa na si kuya John-John ay nagpapatuloy pa rin siya sa pag-aaral. Kasalukuyan siyang nasa ika-apat na taon ng college. Siya rin ay magtatapos na ng kursong Business Administration ngayong Marso. Samantala ang akin namang kapatid na si Jayvee Lloyd B. Belen ay kasalukuyan ding nag-aaral sa DLSP. Siya naman ay nasa ikatlong taon na sa college. Magaling siyang magsayaw. Dahil sa galing ng grupo nilang magsayaw ay nananalo sila at kung minsan pa nga ay nasa 1^st place sila. Sa katunayan nga ay tagapagturo siya ng ilang grupo na gustong manalo sa bawat kumpetisyon. Pareho kami ng hilig, music at dancing kahit hindi ako marunong sumayaw at kumanta. Siya rin ang madalas kong nakakaaway sa aking mga kapatid. Iniiwasan ko na lang na mag-away kami dahil ayaw ko nang bigyan ng sama ng loob ng aming mga magulang.

my cute pamangkin!

ang aking lolo Pinong

          Ang aking lola na si Cholita S. Becina ay maalaga sa kanyang mga apo. Siya ang nag-aalaga sa akin kapag ako ay may lagnat at sa tuwing nasa trabaho ang aking mga magulang. Magaling din siyang mag-alis ng sakit ng aming mga katawan. Lumalapit kami sa kanya upang hilutin niya kami kapag masakit ang aming katawan. Agad namang nawawala ang kirot sa aming katawan dahil sa mapagmahal niyang mga haplos. Ang paborito naming libangan ay uminom ng Coke sapagkat iyon ang paborito niyang softdrinks. Sa tuwing may okasyon ay lagi siyang bahala sa softdrinks. Ang kanya namang asawa na lolo ko ay si Josefino Becina. Lagi siyang may dalang prutas para sa aming magpipinsan. Ang akin namang isa pang lola ay si Mercedes Belen. Bihira naman kaming magkita pati na rin ng isa kong lolo.

yehey! graduate na ako!

sasayaw ako ng Carinosa

          Ako ay nag-aral ng elementarya sa paaralang Sta. Maria Magdalena Elementary School. Masaya ang buhay ko doon dahil kwela ang mga kaklase ko. Naaalala ko noong Grade 1 na ako ay napatayo ng aking guro dahil sa isang kasalanan. Nakipaglaro kasi ako ng taguan sa aking mga kaklase at ako’y talagang hindi nagpahanap sa kanila. Sa sobrang tagal ko na sa aking taguan, na-late ako sa klase ko ng hapon at nakita ako ng aking guro. Ang masaklap pa noon ay nag-iisa lang akong babae na napatayo at ang kasama ko na ay ang aking mga kaklaseng lalaki. Ipinangako ko na sa sarili ko na magbe-behave nalang ako. Natupad ko naman iyon at naging mahinhing bata. Nailalaban din ako sa ilang mga laban gaya ng Science Quiz Bee at HEKASI Quiz Bee. Nagiging honor rin ako at sa katunayan, 1^st honorable mention ako nang ako ay nagtapos ng elementarya. Malunkot ako noong araw ng aming graduation dahil magkakahiwalay na kami. Pero sa tingin ko naman ay magiging mabuti ang aking buhay-high school dahil masaya raw ito.

me and my tol!

kasama ko tol ko sa ecotour!

          Hindi ako nagkamali at naging masaya naman ako sa High School life ko. Kasalukuyan akong nag-aaral sa Col. Lauro D. Dizon Memorial National High  School at ako ay nasa seksyong 3-Science. Masaya at kwela ang aking naging mga kaklase. Naging kaklase ko din sina Honey, Janielle at Denise na kaklase ko ‘nung elemnentary. Nakapasa din sila sa Science Section. Inilaban ako sa TLE Quiz Bee at kasama ko si Khryss Leanne B. Omnes noong 1^st year. Natalo man kami ay masaya pa rin dahil isa iyong opportunity ng buhay namin. Ako ay 2^nd honor noong ako ay 1^st year. Lumipas ang isang taon at naging 2^nd year na ako. Mas lalo kaming naging close at masaya kahit lumipat na ang dalawa naming kaklase. Naging mas lalo kaming naging close ng aking “tol” na si Khryss. Naging magkapatid na ang turingan namin noong May 29, 2010. Masaya ako dahil “tol” ko na siya at may kapatid na akong babae. Minahal ko siyang parang isang tunay na kapatid dahil gustong-gusto ko ng kapatid na babae. Naging masaya ang aming pagsasama at kahit na may away kami ay pinapatawad pa crin niya ako. Sa katunayan, kagagaling lang namin sa isang away habang sinusulat ko ito. Galit na galit siya sa akin at hindi ko na babanggitin ang dahilan. Buti na lang at may puso siya para sa akin at hindi ko na siya sasaktan pa muli. Ipinangako ko na sa sarili ko na aalagaan ko siyang mabuti at iingatan ko siya dahil ayokong mawala siya sa aking piling. Lagi niya akong sinusuportahan sa aking mga achievements at ganun rin ako sa kanya. Sa katunayan ay mas masaya pa siya sa akin kapag ako ay honor at umaakyat ng stage. Nagpapasalamat ako at siya ang aking kaibigang tunay sa lahat. Hindi rin siya plastic at mahal din niya ako bilang tol. Nagtutulungan din kami sa pagrereview at paggawa ng assignments para makapasa kaming dalawa. Lagi kaming magkasundo sa lahat ng bagay maliban sa “noodles”. Pinakagusto naming pagkain ay ang “pancake” na nabibili malapit sa aming room. Nakakailan nga kami sa isang araw nun eh. Talagang masaya kaming magkasama lagi.

ang ganda ko nung JS Prom.
(noon lang yun ha) hehe

          Tungkol naman sa aking lovelife, N.B.S.B. aq, meaning No boyfriend Since Birth. Ayos lang iyon sa akin dahil masaya akong nabibigyan ko ng karangalan ang aking mga magulang. Utang ko sa kanila ang aking buhay kaya ginagawa ko ang lahat upang matuwa sila sa akin at ipagmalaki ako. Sabi rin nila na pag tapos na ako sa pag-aaral ay saka na lang ako mag-BF para makapagconcentrate ako sa pag-aaral.

          Malungkot ako ngayong 3^rd year dahil may matatanggal na sa aming seksyon. Kahit naman ayaw naming may maalis ay talagang nakadepende iyon sa aming mga grades. Kahit may maalis man ay mananatili kaming magkakaibigan habang-buhay.

          Hanggang dito na lang muna at sa susunod na lang ulit.

Playful Blog’s Name of Mine History of my Blog’s Name

As I start my new life as a high school student, I can say that I have slight changes in my lifestyle and the way I used to be. Let me tell you why.

When I was a grade school student in Sta. Maria Magdalena Elementary School, I was a little bit shy and I don’t want to mingle and talk with my former classmates even if there were no classes or vacant times. But I used to talk but in a short length of time. In so doing, one of my teachers praised me for being a good girl because I was (according to her) responsible and I’m not talkative even if there were no classes unlike some of my classmates.

But when I entered in my first year high school life here in Col. Lauro D. Dizon Memorial National High School, some changes happened in me. I became a little bit naughty but not as in I made bad things unto my classmates but in the sense that I became a little bit “makulit” sometimes. Because whenever I do something, they used to laugh at me. They also describe me funny, naughty and sometimes childish. I didn’t even know why I became like that. Maybe because I met new friends whom I wanted to be with always. I also didn’t really know that in my simple gestures, as I did, I make them happy and smile.

Also, whenever I act in a role playing, my group mates always assign me to be characters that will make everyone laugh, so I often do that. Maybe God programmed me to be a happy-go-lucky person, I guess.

Before I come up with the name “exKrIMely naughty” as the name of my blog, my first’s blog’s name is “exciting electron Kimmy”. Because I acted as an energetic excited electron in the photosynthesis process when I was a second year high school student in High School. I remembered that I do the “Pic-a-boo” thing that makes everyone smile. I just changed that name because the two names seem to be the same in such a way that they are related.

During recess time, they used to treat me as a child especially while eating and drinking when sometimes, some foods or drinks spills into my clothes and things above my chair

 I chose “exKrIMely naughty” as the name of my blog because it is based on my personality and the way my friends used to describe me for my own simple way that I make them laughs. Sometimes, when I’m reporting and role-playing, they used to laugh at me but in a positive sense.

Percy Jackson & the Olympians: The Lightning Thief

Film Review

PAMAGAT: Percy Jackson & the Olympians: The Lightning Thief

PINANGYARIHAN: noong unang panahon Nashville, Hollywood

TEMA: tadhana at responsibilidad,tapang, pagkamatapat, tiwala at pagtataksil
ARAL: Huwag susuko at tatagan ang loob sa pagharap ng mga pagsubok.

Percy Jackson & the Olympians: The Lightning Thief

Ang bidang si Percy Jackson ay hindi alam na anak siya ng “Greek God of the Sea” na si Poseidon. Ngunit siya’y naniniwala na nagpapatuloy pa rin ang Greek Mythology pati na rin sa mga monsters, Greek Gods, etc.

Sa tuktok ng Empire State Building, nagkita si si Poseidon at Zeus na kapwa Olympian Gods. Ipinagtapat ni Zeus na ang kanyang lightning bolt ay ninakaw at nawawala. Pinagbintangan niya ang anak ni Poseidon na si Percy Jackson na siyang kumuha bito. Sinabi ni Zeus na matatapos lamang ang kaguluhan kung maibabalik ni Percy ang lightning bolt sa kabundukan ng Olympus bago ang susunod na summer solstice.

          Si Percy Jackson ay labing-pitong taong gulang na mayroong dyslexia,Sa kabila ng pagkakaroon niya ng kapansanang iyon, may bkakayahan siyang makatagal sa ilalim ng tubig sa mahabang oras.

          Habang nasa school trip papuntang local museum soi Percy Jackson, inatake siya ng isang hindi maintindihang nilalang. Ang umatake sa kanya ay ang kanyang guro na gustong kuhanin ang lightning bolt na nagbalat-kayong Fury. Iniligtas naman siya ng kanyang matalik na kaibigan na si Grover Underwood. Siya ay may kapansanan ngunit siya ay nagiging kalahating tao st kalahating ‘donkey’. Sinabi niyang kahit na siya ganoon, siya ang magtatanggol kay Percy sa lahat ng pagkakataon at kahit buhay niya ay ilalaan para kay Percy.

          Nakausap nila si Mr. Brunner, isa sa mga guro ni Percy, at sinabi na dalhin ni Grover si Percy at ang kanyang ina sa Camp Half-Blood. Umuwi na sila sa bahay ni Percy at kinaun ang nanay niya. Iniwan nila ang asawa ng ina na tamad at walang kwenta na si Gabe Ugliano. Tumanggi ang lalaki na isama ang asawa ngunit hindi nakinig si Percy at nagpatuloy sila sa pag-alis.

          Habang sila ay nasa daan papuntang Camp Half-Blood, inatake sila ng isang monster na gusyong patayin si Sally, ina ni percy, dahil hindi daw ito pwedeng pumasok sa kampo. Agad namang pinatay ito ni Percy gamit ang lakas at kakayahan niya. Tumulong din ang tagapagtanggol niyang si Grover upang puksain ang kalaban.

          Makalipas ang tatlong araw nilang paglago sa loob ng kampo kasama ang mga nagsasanay, natuklasan ni Percy na siya ay anak ni Poseidon, ang Greek God ng dagat. Nadiskubre din niya na talagang tagapagtanggol niya si Grover at si Mr. Brunner ay totoong centaur na si Chiron.

Sinabi ni Chiron kay Percy na pumunta ito sa Kabundukan ng Olympus at kumbinsihin si Zeus na talagang wala itong alam sa pagkawala ng lightning bolt at lalong hindi niya ninakaw ito. Nag-umpisa na rin si Percy sa pagsasanay ng pakikipaglaban upang maging handa siya sa bawat kalabang kanyang makakaharap sa kanyang paglalakbay.

Nakilala nila sa pagsasanay si Annabeth Chase, anak ni Athena at si Luke Castellan na anak naman ni Hermes. Nakipaglaban siya kay Annabeth upang makita ang galing niya ngunit parang siya’y matatalo. Nagkaroon siya ng mga sugat at pinanghinaan na siya. Ngunit may isang tinig na nagsabi na ang tubig malapit sa kinabagsakan niya ay ang makapagpapagaling sa kanya at makakapagpanumbalik ng kanyang lakas. Ginawa niya ito at agad siyang nagkaroon ng panibagong lakas sa paglaban kay Annabeth.

Pagkatapos ng isa niyang pagsasanay sa kampo, nagpakita si Hades, ang tiyuhin ni Percy Jackson, sa pamamagitan ng apoy. Sinabi niya kay Percy na nasa kamay niya ang buhay ng pinakamamahal niyang ina. Ipinabatid ni Hades na ibabalik lamang ang ina kung maibibigay ni Percy ang lightning bolt sa kanya.

Pinagbawalan ni Chiron na mapanganib kung pupunta siya sa Underworld kung saan naroon ang kanyang ina. Ngunit desidido si Percy na iligtas ang ina kaya hindi nito ngawang makinig kay Chiron. Isinama niya si Grover at Annabeth sa pagpunta sa Underworld.

Bago sila magtungo roon, nagpunta muna sila kay Luke. Ibinigay ni Luke ang mapa kung saan nila maaring makita ang tatlong perlas na kakailanganin nila sa paglabas sa Underworld. Ibinigay din niya ang isang pares ng sapatos na may pakpak na magagamit niya sa paglipad at isang lumang shield na magagamit sa pakikipaglaban. Nagpasalamat sila at sila’y nagpaalam na.

Tumuloy na sila sa kanilang paglalakbay. Una nilang destinasyon ay sa isang lumang hardin na lugar kung saan makukuha ay unang perlas. Pagdating nila doon, nakita nila ang mga estatwa na parang mga taong naging bato. Naka-engkwentro nila si Medusa na ang ulo ay punong-puno ng ahas at natatakluban lang ng tela. Inalis ni Medusa ang panaklob sa ulo, ngunit nanatili silang nakapikit dahil sa alam nilang kapag sila ay tumingin ay magiging bato sila gaya ng mga estatwa roon. Muntik na silang patayin ni Medusa, buti nalang at pinatay ito ni Percy. Kinuha nya ang ulo at sianbing may paggagamitan pa ito sa mga susunod na pagkakataon.

Nagtungo naman sila sa Parthenon upang kuhanin ang ikalawang perlas. Ngunit bago nila ito makuha ay kinompronta sila ng isang Hydra. Ginamit ni Percy ang sapatos na may pakpak upang kuhanin ang ikalawang perlas. Samantala, ginamit naman ni Grover ang ulo ni Medusa upang talunin ang Hydra.

Ayon sa mapa, makikita ang ikatlong perlas sa Lotus Casino sa Las Vegas. Maraming sugal doon at talagang naisip nila na makapaglibang muna sila doon. Ang mga waitress naman doon ay namimigay ng libreng lotus na pwedeng kainin ng mga tao roon. Kumain nito ang tatlong magkakaibigan at para silang na-hypnotized. Nagkaroon ng huwisyo si Percy at napansin niyang lahat ng taong kumakain ng lotus ay parang nahi-hypnotized. Makailang ulit siyang inaok ng lotus ngunit tinanggihan niya lahat. Agad niyang hinanap ang mga kaibigan at sinabing gumising sila dahil sa kumain sila ng lotus ay nakalimutan nila ang tunay na pakay sa pagpunta roon. Natuklasan nila na ang casino ay pinapatakbo ng mga Lotus-Eaters. Napaghalata ng isang nangangasiwa sa Lotus Casino na gising si Percy kaya agad niya itong ipinahuli. Bilis-bilis naman silang tumakas. Mabuti na lang at hindi sila nahuli at nakaalis sila ng maayos. Nakuha na nila ang tatlong perlas na gagamitin nila sa paglabas sa Underworld.

Bago sila magtungo sa Underworld, na-stay muna sila sa isang apartment. Namahinga sila roon bagop ulit magsimula ng paglalakbay. May nakakitang ibang tao sa ulo ni Medusa noong ito ay inilabas ni Grover. Agad itong natakot at napagdesisyunan nilang umalis na doon at tumungo na sa Underworld.

Sinalubong sila ng tiyuhing si Hades at ng asawa nitong si Persephone. Sinabi ni Percy na wala naman talaga sa kanya ang lightning bolt. Bigla namang naibagsak ni Percy ang kanyang shield at nakita nila ang lightning bolt sa loob nito, na noon pa man ay itinago na ni Luke sa shield na iyon. Kinuha ni Hades ang lightning bolt. Ngunit nagtaksil si Persephone sa asawa at kinuha rito ang lightning bolt at pinatay si Hades. Sinabi niyang na hindi na niya kayang manatili pa sa piling ng asawa kaya niya ito pinatay. Ibinigay na niya ito kay Percy.

Apat na silang lalabas sa Underworld ngunit tatlo lamang ang perlas. Napagdesisyunan ni Grover na siya na lang ang maiwan dahil handa siyang magsakripisyo para kay Percy. May gusto rin naman si Persephone sa kanya kaya ayos lang na maiwan siya.

Tinapakan na nila ang tatlong perlas at dumeretso sila sa taas ng Empire State Building. Bigla silang inatake ni Luke na gustong wasakin ang Kabundukan ng Olympus. Nakipaglaban si Percy at natalo si Luke at nakuha na niya ang kightning bolt.

Nagpunta sila sa templo ni Zeus upang ibalik ang lightning bolt. Pinatawad siya ni Zeus at hinayaang makausap ni Poseidon ang anak kahit saglit.

Makalipas ang ilang araw, nagkita-kita silang tatlo at si Grover ay may sungay na ngunit maliit lang. Bumalik sila upang magpatuloy nga pagsasanay.

Napalayas naman si Gabe sa bahay ni Sally. Nag-iwan ng note si Percy sa refrigerator na huwag itong bubuksan kahit anong mangyari. Hindi niya ito sinunod at naging bato siya dahil naroon ang ulo ni Medusa.

I am a Responsible Netizen

           We live in a computer age, wherein technology changes everyone’s life. Inventors and scientists create high-tech gadgets for us to know things beyond our knowledge. We can do our works more easily and in a faster way than it was before using these gadgets. Examples of these gadgets are the computer and internet.

          Since Internet paved now, me, as a student, benefit a lot from it. It makes my works faster than it was before. By just one click, you will have different results on what topic you are searching about. We really benefit from internet, but at the same time, we have to be disciplined also in using it.

I may say that I am a responsible netizen or internet user because I use the internet wisely in making research reports. I promised not to copy one’s idea. When I’m about to use their work or article, I will indicate their names as my source. I will also quote it so it means that it is not my idea. I’m doing that because I don’t want to be charged of plagiarism.

Now, I am on my 3^rd year as a high school student and our computer class deals with all about blogging. I learned that blog is a personal property of one’s self. I also learned that everything you post on your blog should be my own work and not copied from the internet. All the posts of yours will be read by people all over the world. We also tackled about the different people that are charged by different cases because of inappropriate use of blog.

Our computer teacher asked us to make our own blog. I really promised myself that I will follow the rules and regulations in blogging. I also told myself that everything I post should be my own work. I will not practice the “copy-paste” from the internet. Because if it so happen that I copy one’s idea without quoting it and writing the source, I will be charged of plagiarism by the owner of that idea. I will not post bad things unto other’s public or private life. Because i don’t want to be charged of “libel”.

YouTube is a site wherein videos of important events, tutorials and music videos of different artists, etc are posted. There are plenty of videos posted in one day. Some malicious persons posts videos of naked body and people in their act of sexual intercourse. I will not search for malicious videos because i know that it is not appropriate. I can say that never in my whole life that I will think of watching those said videos even if I get older. I will not idolize people watching those malicious videos even if they say that it is a part of getting older. Likewise, I will not upload videos of pornography for I know that it is bad and is a sin in the eyes of God. For “HE” wants us to be in “HIS” likeness.

Now, I hope that all people using Internet would do the same way too. 

FUTURISTIC STORY COMPUTER ATTACK TO ALIEN INVASION

Lumipas ang maraming maraming taon matapos sinabing magugunaw ang mundo sa taong 2012. Hindi man ito nangyari, may kakaiba namang kaganapan sa mundo pagkatapos nito.

May isang spaceship ng na galing sa planetang Jupiterius ang lumapag sa oval ng Col. Lauro D. Dizon Memorial National High School. Nangyari ang paglapag pasado alas-diyes na ng gabi, July 10, 2020. Walang masyadong nakapansin dito dahil wala ng estudyante doon at tulog na ang mga tao. Si Whatapot lamang ang nasa spaceship. Siya ay anak ni Haring Inton na hari ng planetang Jupiterius. Siya ay naglayas dahil ayaw na niya sa piling ng ama simula ng mamatay ang kanyang ina. Ayaw din niya ang gawain ng ama dahil nananakop ito ng mga lupain at maraming nilalang ang naaapektuhan at marami ang namamatay. Naawa siya sa mga namamatay dahil wala silang laban sa hukbo ng ama. Ilang beses na niyang sinabihan ang ama na huwag na iyong gawin ngunit hindi nakikinig ang ama niya kaya lumayas siya. Wala na siyang ibang mapuntahan kaya nagdesisyon siyang lumipat ng ibang planeta upang malayo sa ama. Nagbalat-kayo siyang tao upang madaling makihalubilo sa iba at pinaliit niya ang spaceship gamit ang kanyang “shrinker” upang walang ibang makaalam ng tunay niyang katauhan.

Nalaman ng kanyang ama ang paglayas ng anak at ipinahanap agad siya.

Dumating ang araw ng Lunes at pumasok na ang mga estudyante. Wala kahit isang nakapansin sa mga bakas ng spaceship dahil tinanggal lahat ito ni Whatapot. Si Ken at si Zhantal na kapwa nasa 3^rd year High School na at nasa seksyong Science ay magkasintahan. Mahal na mahal nila ang isa’t isa at tumagal na ang kanilang relasyon ng isang taon. Sila ay magkatulong sa pag-aaral upang hindi mawala o matanggal ang isa sa kanila dahil ayaw nilang magkalayo. Si Ken ay magaling sa Geometry at sa lahat ng larangan ng Math at si Zhantal naman ay magaling sa Science.

Nag-enroll si Whatapot sa eskwelahang Dizon High at siya ay nailagay sa seksyong 3-science. Ginamit niyang pangalan ay Thomas Carlos. Naging kaklase niya sina Ken at Zhantal pati na rin si Jenny, kaibigan ng magkasintahan. Magaling si Thomas sa seksyon nila at naging honor pa siya. Naging malapit na ang loob ng tatlong magkakaibigan sa kanya. Natutuwa rin ang iba niyang kaklase dahil siya ay laging masaya, nagpapatawa at nagpapasaya sa kanila. Nakalimutan na ni Thomas ang kanyang kinagisnang buhay sa planetang Jupiterius. Hindi niya inaamin ang tunay niyang katauhan sa mga kaibigan dahil baka layuan siya ng mga kaibigan.

Tumagal ang kanilang pagkakaibigan at umabot ito ng isang taon. Napakalapit na nila sa isa’t-isa. Masaya silang apat at dahil dito ay nagkagusto si Thomas kay Jenny at naging sila na rin. Sabay-sabay silang na-gimik at nakain tuwing recess at maging tuwing lunch break. Lagi silang masaya at hindi nag-aaway. Paborito nilang pasyalan ang Sampalok Lake at sila ay nagba-bike pa. Inaangkas ng mga lalaki ang mga kasintahan nila at talagang safe na safe ang mga girlfriend nila. Ingat na ingat kasi sila sa pagpapatakbo ng bike upang walang mangyaring masama sa kanilang mga mahal. Gusto rin nilang umikot sa oval at kumain sa damuhan. Inihahatid naman ng mga lalaki ang kanilang mga girlfriend sa bahay nila upang masigurong makakauwi ng maayos sila. Kung minsan ay may tampuhan ang magkakasintahan ngunit konting lambing ay nagkakabati rin sila.

Naging malapit na ang araw ng eleksyon para sa Supreme Student Government. Napagdesisyunan ni Thomas na kumandidatong President dahil marami siyang gustong pagbabago sa paaralan. Tinulungan siya ng mga kaibigan sa pangangampanya. Natapos ang eleksyon at siya ay nanalo. Tuwang-tuwa sila dahil alam nilang mapapabuti ang paaralan sa kamay ng bagong presidente.

Isang araw, may binubuong formula si Zhantal sa laboratory na naglalayong buhayin ang mga bagay na walang buhay. Nagpasama siya kay Ken upang dalhin ito sa computer room upang maanalisa pang mabuti. Bigla itong nasagi ni Ken at natapon sa main source of power ng mga computer. Tumakbo agad sila upang hindi mahuli ng kanilang guro. Sinabi nila ang nangyari kay Thomas at Jenny at ipinangako ng dalawa na mananatiling tahimik tungkol dun.

Nagpatuloy ang paghahanap ni Haring Inton sa kanyang anak. Nakita niya na doon sa Dizon High ang kanyang anak. Pinadalhan niya ito ng sulat. Napansin niya na maganda ang school na iyon kaya sinabi niya sa sarili na sasakupin niya ito.

Lumipas ang ilang araw at natanggap niya ang sulat. Sinasabi ng sulat na umuwi na siya ng kanilang planeta. Sinabi din ng ama na nais niyang sakupin ang school na iyon dahil nagandahan siya sa lugar. Sinagot naman niya ang sulat at sinabing huwag iyong gawin ng ama dahil madadamay ang mga estudyante. Sumulat ulit ang ama at sinabing hindi magbabago ang isip niya at sasakupin pa rin ito.

Lumipas ang mga araw at malalim ang iniisip ni Thomas. Lagi siyang nakatingin sa malayo. Napansin ito ng mga kaibigan at itinanong kung anu ang problema niya. Wala na siyang nagawa kundi sabihin ito. Inamin din niya na isa siyang alien at nagpunta doon upang makaalis sa piling ng ama. Sinabi naman ng mga kaibigan na kahit ano pa siya ay magkakaibigan pa rin sila. Nagpasalamat siya at hindi nagbago ang pagmamahal nila sa kanya. Nangako naman ng tulong ang mga kaibigan sa problema ng kaibigan.

Nagpunta silang apat sa Computer room hanggang alas-otso ng gabi dahil may tinatapos silang group work. Napansin nila na nabubuhay ang mga computer at gumagalaw, as in they come into life. Ipinagpalagay nilang dahil ito sa chemical na natapon sa mga computers.

Lumipas ang mga araw, dumating na ang hukbo ng kanilang ama pasado alas-diyes ng umaga. Nagtakbuhan ang mga estudyante palabas ng school dahil natakot sila. Kinausap ni Thomas ang ama at nagpakilala na siya si Whatapot. Ayaw makinig ng ama at itutuloy ang pagsakop.

Lumipas ang mga oras at nagdilim na, nabuhay na ang mga computer. Sinabi ni Thomas sa mga bulletin board na bantayan ang bawat galaw nga spaceship. Sumunod naman ito. Naisip nilang gamitin ang mga computer upang talunin ang mga aliens. Ang CPU ay bumabaril ng mga CD at dahil dito ay nasusugatan ang mga aliens. Ang mga mouse naman ay pinapaltok na parang boomerang upang pataubin ang mga aliens. Ang monitor naman ay naglalabas ng mga laser beam na nakakalusaw ng mga aliens. Natalo ang hukbo ng ama at mabuti ay hindi sila inabot nga alas-dose dahil mamamatay na ang pagkabuhay ng mga computer at umalis na sila at sinabing hindi na muling manggugulo.

Naging payapa na ang school at inalis ni Thomas ang memorya ng mga nakakita sa mga alien gamit ang kaniyang kapangyarihan. Nanatili na rin siyang tao at hindi na muling nagbalik sa Jupiterius.

Exciting Adventures nina Phineas and Ferb

Exciting Adventures nina Phineas and Ferb

Phineas and Ferb

          Ang palabas na Phineas and Ferb sa Disney Channel ay isang animated comedy series.

          Unang nabuo ang konsepto ng palabas na ito nang minsang gumuhit si Dan Povenmire, isa sa mga creator nito, ng isang batang lalaki na hugis trianggulo, na blueprint ng karakter ni Phineas Flynn.

Ang magkapatid na si Phineas Flynn at Ferb Fletcher na nakatira sa Danville sa may Tri-State Area. Nakakatuwang isipin na kahit mga bata pa sila ay nakakagawa sila ng mga imbensyon na imposibleng magawa ng ibang bata na ka-edad nila. Talagang masasabi na hindi mura ang kanilang mga isipan dahil hindi nila iniisip ang paglalaro ng mga simpleng bagay, lagi nilang gustong kumplekado ang mga laro nila. Lagi silang busy sa araw-araw sa paggawa ng mga bagay-bagay. Ginagawa nila ito sa buong bakasyon. Ibang-iba sila sa ibang bata sa palabas na iton. Sa tuwing sila’y nakakagawa ng mga imbensyon, ibinabahagi nila ang saya sa kanilang mga kaibigan pati na rin sa ibang mga bata.

Ngunit ang nakakatanda nilang kapatid na si Candace Flynn ay gustong-gusto i-bust ang kanyang mga kapatid. Gusto niyang makita ng kanyang ina ang mga kakaibang ginagawa ng kanyang mga kapatid niya. Malimit niyang tinatawagan ang kanilang ina upang umuwi agad at maisumbong ang ginagawa ng mga kapatid niya. Makailang-ulit na siyang nagsusumbong, ngunit hindi siya nagtatagumpay.

Ang magkapatid ay may alaga na isang platypus. Ang pangalan nito ay Perryat siya ay silent at minsan lang mag-animal sound. Nagtatrabaho si Perry bilang isang secret agent sa O.W.C.A (Organization Without A Cool Acronym), lahat sila ay mga hayop sa organisasyong iyon. Siya ay tinatawag na Agent P. Hindi alam nina Phineas ang totoong katauhan na ito ni Perry. Siya ang lumalaban sa evil scientist na si Dr. Heinz Doofenshmirtz. Sa tuwing may ginagawang imbensyon ito, umaalis siya ng palihim at sasabihin ng commander niya na pigilan ang anumang kasamaang ginagawa ni Dr. Doofenshmirtz. Ang paglalaban nila ang dahilan kung bakit nasisira at nawawala ang mga imbensyon nina Phineas. Dahilan rin ito kung bakit hindi nagtatagumpay si Candace sa pag-bust nga kapatid niya.

Nakakakilig naman ang storya ng pag-iibigan nina Candace at Jeremy Johnson. Si Jeremy ay crush ni Candace. Sa tuwing may kasamang ibang babae si Jeremy, nagseselos si Candace, ngunit babawi naman agad si Jeremy. Sa pagdaan ng mga panahon, naging magkasintahan sila. Makikita ang pagiging sweet nila sa episode na “Summer Belongs to You”. Sa dulo ng episode na iyon ay nag-kiss sila.

Si Isabella Garcia-Shapiro ay ang leader ng Fireside Girls, troop 246329. Ang grupo nila ang tumutulong kina Phineas kapag kailangan nila ng assistant sa bawat imbensyon nila. Siya rin ay may gusto kay Phineas kaya handa lagi siyang tumulong sa kanya.

Si Stacy Hirano naman ang matalik na kaibigan ni Candace. Siya ang laging kasama ni Candace. Siya rin ang sinasabihan ni Candace ng mga sikreto. Nagiging inspirasyon ko ang kanilang pagkakaibigan dahil may kaibigan din akong napakalapit sa akin. Itinuring ko na ang kaibigan kong ito na para ko ng isang kapatid. Sabay kaming gumagawa ng mga bagay-bagay at magkasundo kami palagi.

Si Baljeet naman ay matalino sa algebra ngunit mahiyain. Lagi siyang ninu-bully ni Buford ngunit malapit sila sa isa’t-isa.

Sa kabuuan, maganda talaga ang palabas na ito dahil lahat ng pwedeng maramdaman ay mararamdaman mo, saya, lungkot, katatawanan at higit sa lahat pagmamahalan.

You can know more about Phineas and Ferb and play games by visiting: http://tv.disney.go.com/disneychannel/phineasandferb/